Si Buncir naheunkeun bubu
pareng meunang anggay-anggay
diwadahan kana batok.
Hayam macok anggay-anggay
Si Buncir boga paménta
hayam nu jadi gantina.
Hayamna katinggang halu
atuh paéh saharita
halu nu jadi gantina.
Haluna katincak munding
sabab potong ménta ganti
Si Buncir dakwa ka hakim
munding milikna Si Buncir.
Mundingna katinggang limus
paéh ménta digantian
ku Ki Tani diturutkeun
buah limus matak uruy.
Demi Nyi Putri ningali
kacida pisan palayna
limus dipesék dituang
séép ngan tinggal pelokna.
Nyi Putri jadi gantina
Buncir teras salin rupa
jangkung pohara kasépna
katelahna Gandarasa.
Tidak ada komentar:
Posting Komentar